Muzika- hem teaterbiblioteka / Musik- och teaterbiblioteket

Phravdo sarinenđe

Muzika- hem teaterbiblioteka tani phravdi sarinenđe. Manuša so koristinena amare buča tane privatna manuša, manuša so čerena buti kulturaja, sikavne, studentija hem pana but avera.

Akate šaj te lje but buča kotar i muzika, teater hem dans. Isto ađahare isi amen unikatno hem historisko materiali. Amen so čeraja buti akate ki biblioteka ka pomožina tut te arakhe odova so tu rodeja.

Šaj te lje hem te huljave ki celo phuv

Amari karta dela tut šansa te dikhe prekalo 100 000 knjige hem note, prekalo 40 000 manusija, but magazinija hem pana but pobuter muzičko hem teater registerija.

Tu šaj te lje amendar odova so valjani tuče hem nane veze kaj bešeja, tu šaj te čere odova prekalji ti lokalno biblioteka. Čitin pobuter akate (LÄNK).

Akate ko internet šaj te huljave digitalna note (LÄNK) kotar amari biblioteka. Tu šaj te dikhe hem o  digitalizarime fotografije so isi amen ko amaro register (LÄNK).

Ava koro amende ki Stockholm

Muzika- hem teaterbiblioteka tani ki adresa Tegeluddsvägen 100 ki Stockholm. Akate šaj te dobine pomoč te arakhe o note, literatura, snimkija hem aver arhivno materiali. Tu šaj te kopirine ja te skenirine o materiali ako mangeja.

Ki biblioteka isi sala čitibase, grupna sobe hem sobe kaj šaj te šune muzika, te dikhe filmi hem bašalje instrumenti. Isi amen wifi bizo pare.

Unikatno hem historisko materiali

Ki bibliotekakiri arhiva isi materiali kotar o manuša, organizacije hem institucije so čerđe buti ki scensko umetnost. Akate šaj te arakhe ljila, note hem manuskript, sar ko primer kotar berš 1500 đi ko berš 1800. I najpurani muzika so isi amen pisimi vasteja tani kotar o berš 1150. Ki biblioteka isi hem but fotografije.

Jekh delo kotar o materiali isi digitalno hem šaj te rode ko amaro register (LÄNK). Kontaktirin amen (LÄNK) ako valjani tuče pomoč te rode o materiali.

E bibliotekakiri historia

Amari historia tani 250 berš purani. I biblioteka hine prvo jekh delo kotar i Kungliga Musikaliska Akademien so startirinđa e beršeste 1771. Ko berš 1849 oficialno hine phravdi.

Avdije i biblioteka tano odgvorno baš i scensko umetnost hem tani delo kotar institucia Statens musikverk.